ᐆᑦᑎᔭᐅᓂᖓ: 15 min
ᓂᖅᖠᖅᓯᔪᖅ: 4
ᐃᓚᒃᓴᖏᑦ
– 1 lb ᓇᑦᑎᑉ ᓂᕿᖓ, ᓴᑑᑕᐅᓗᒋᑦ ᐊᒡᒍᕐᓗᒋᑦ
– 1/3 ᐃᕐᖑᓯᖅ ᑎᐅᕆᐊᑭ ᒪᒪᖅᓴᐅᑦ ᓇᖕᒥᓂᖅ ᓴᓇᓗᒍ ᓂᐅᕕᐊᕆᓗᒍᓘᓐᓃᑦ (ᐅᓇᓃᑦᑐᖅ ᑕᑯᓗᒍ ᖃᓄᖅ ᓴᓇᓂᐊᕐᒪᖔᑦ)
– 2 ᐊᓘᑎᕐᔪᐊᒃ ᐋᓕ ᐅᒡᕙᓘᓐᓃᑦ ᑲᓅᓚ ᐅᖅᓱᖅ
– 1 ᐃᑎᐅᔭᖅ, ᐊᒡᒍᑦᑎᐊᕐᓗᒍ ᒥᑭᑦᑑᑎᒻᒪᕆᖕᓂᒃ
– 1 ᑭᐅᕋᑦ, ᐊᒡᒍᖅᓯᒪᓗᒍ ᓴᑦᑐᓂᒃ
– 1 ᓴᓗᕆ, ᐊᒡᒍᖅᓯᒪᓗᒍ ᓴᑦᑐᓂᒃ
– 1 1/2 ᐃᕐᖑᓯᖅ ᐳᕌᒃᓕ (ᖁᐊᖑᔪᓐᓇᖅᑐᖅ), ᐊᒡᒍᖅᓯᒪᓗᒋᑦ
– 2/3 ᐃᕐᖑᓯᖅ ᐃᒪᖅ
– ᑕᕆᐅᖅ ᐸᐸᓗ ᒪᒪᖅᓴᐅᑎᒋᓗᒋᑦ
ᐊᓯᔾᔨᐅᑎᒃᓴᖅ
– ᓇᑦᑎᐅᑉ ᓂᕿᖓ ᑭᖑᒡᕕᕈᓐᓇᖅᑕᑦ ᐊᓯᐊᓄᑦ ᓂᕿᒧᑦ ᓲᕐᓗ ᑐᒃᑐ, ᐃᒻᒧᒃᓯᐅᒐᖅ, ᐊᕿᒡᒋᐅᔭᖅ, ᑰᑰᓯᓘᓐᓃᑦ.
– ᐃᓚᓯᔪᓐᓇᖅᑐᑎᑦ ᐊᓯᖏᓐᓂᒃ ᐱᕈᖅᑐᕕᓂᕐᓂᒃ, ᓲᕐᓗ ᐸᐸᓂᒃ ᐊᑐᖓᐅᔭᙳᐊᓂᒡᓘᓐᓃᑦ. ᐊᑐᕈᓐᓇᕐᒥᔪᑎᑦ ᖁᐊᖅᓯᒪᔪᓂᒃ ᐱᕈᖅᑐᕕᓂᕐᓂᒃ.
– ᐱᕈᖅᑐᕕᓃᓐᓇᖅᑐᓲᓄᑦ ᓯᕋᑦᑎᔪᓐᓇᖅᐳᑎᑦ ᐊᑐᖔᕐᓗᑎᑦ ᑑᕘᒥᒃ ᐅᒡᕙᓘᓐᓃᑦ ᐱᕈᖅᑐᕕᓂᓕᒃᑲᓐᓂᑐᐃᓐᓇᕐᓗᒍ ᓂᕿᖃᙱᓪᓗᒍ.
ᐊᑐᒐᒃᓴᑦ
– ᐊᓗᒡᕕᒃ
– ᓯᕋᑦᑎᔾᔪᑦ ᐅᒡᕙᓘᓐᓃᑦ ᓯᕋᑦᑎᔾᔪᑎᑲᓪᓚᒃ
– ᐊᒡᒍᐃᒡᕕᒃ
– ᓴᕕᒃ
– ᐊᓘᑎᖅᐸᒃ
– ᒪᓕᒐᒃᓴᑦ
1. ᓇᑦᑎᑉ ᓂᕿᖓ ᐊᓗᒡᕕᖕᒧᐊᕐᓗᒍ ᑉ ᐊᓘᑎᕐᔪᐊᕐᓂᒃ ᐃᓚᓗᒍ ᑎᐅᕆᐊᑭ ᒪᒪᖅᓴᐅᒻᒥᒃ. ᑕᐃᒪᐃᓕᖓᑎᑐᐃᓐᓇᕐᓗᒍ 10 min-ᓄᑦ. ᑕᒪᓐᓇ ᓂᕿᒧᑦ ᒪᒪᖅᓴᐅᒻᒥᒃ ᐃᔅᓴᒃᓰᔪᖅ
2. ᐊᖏᔪᒧᑦ ᓯᕋᑦᑎᔾᔪᑎᒧᑦ, ᐃᓚᓗᒍ ᐊᑕᐅᓯᖅ ᐊᓘᑎᕐᔪᐊᖅ ᐅᖅᓱᕐᒥᒃ ᐃᑯᒪᖓ ᐆᓇᓛᖓᓃᑎᓪᓗᒍ. ᓯᕋᑦᑎᔾᔪᑦ ᐆᓇᖅᓯᒃᐸᑦ, ᐃᓚᓗᒋᑦ ᓂᕿᑦ ᑲᔪᖅᓯᑦᑎᐊᕆᓗᒋᑦ. 3-5 min-ᐸᓗᖕᓄᑦ. ᓴᓂᕐᕙᒡᓗᒋᑦ ᐸᓕᐊᕐᒧᑦ.
3. ᑖᔅᓱᒧᖓᔅᓴᐃᓐᓇᖅ ᓯᕋᑦᑎᔾᔪᑎᒧᑦ, ᐅᖅᓱᑉ ᐊᒥᐊᒃᑯᖓ ᐃᓚᓗᒍ ᐱᕈᖅᑐᕕᓂᓪᓗ ᐃᓚᓗᒋᑦ. ᐆᑦᑎᓗᒋᑦ ᐱᕈᖅᑐᕕᓂᒃ ᐊᑯᓂᐅᙱᑦᑐᖅ. ᐃᖑᓚᖅᐸᒡᓗᒋᑦ ᐆᓗᐊᕐᓂᐊᖏᒻᒪᑕ. ᑕᐃᒪᐃᓕᐅᕐᓗᒍ ᐱᕈᖅᑐᕕᓂᑦ ᐊᕿᓕᑎᐊᕐᔪᒡᓗᒋᑦ.
4. ᓂᕿ ᓯᕋᑦᑎᔾᔪᑎᒧᑦ ᐅᑎᖅᑎᓪᓗᒋᑦ ᐃᓚᓗᒋᑦ ᐱᕈᖅᑐᕕᓂᕐᓄᑦ. ᐃᓚᓗᒋᑦ ᒪᒪᖅᓴᐅᑦ ᐊᒥᐊᑯᖓ ᐃᒪᕐᒥᒡᓗ.
5. ᐆᑦᑎᓗᒍ 2 min-ᓄᑦ ᒪᒪᖅᓴᐅᑎᖓ ᑭᓂᖅᓯᑎᓪᓗᒍ.
6. ᐃᓚᓗᒍ ᑕᕆᐅᖅ ᐸᐸᓗ ᒪᒪᖅᓴᐅᑎᒋᓗᒋᑦ.
– ᐃᑲᔫᑦ
– ᑖᓐᓇ ᓯᕋᓯᒪᔪᖅ ᓴᓇᔪᓐᓇᕐᒥᔭᑦ ᐊᓛᓯᒧᑦ ᐃᓇᓘᔭᙳᐊᓄᓪᓘᓐᓃᑦ.
– ᐊᓛᓯᓕᐅᕐᓂᐊᕐᓗᑎᑦ, ᐊᑕᐅᓯᖅ ᐃᕐᖑᓯᖅ ᐃᒪᖅ ᐊᒻᒪ ᐊᑕᐅᓯᖅ ᐃᕐᖑᓯᖅ ᐊᓛᓯ ᖃᑦᑕᕋᓛᕐᒧᑦ. ᖃᓛᓕᖅᑎᓚᐅᕐᓗᒍ, ᐆᓇᕐᓂᖓ ᖃᒥᒋᐊᕐᓗᒍ ᐆᑦᑎᓗᒍ ᐃᒪᖃᕈᓐᓃᖅᑎᓪᓗᒍ (10- 15 min-ᐸᓗᖕᓄᑦ).
– ᐃᓇᓘᔭᙳᐊᑦ ᐆᑦᑎᓂᐊᕐᓗᒋᑦ, ᐃᒪᖅ ᖃᓛᓕᖅᑎᓚᐅᕐᓗᒍ ᐃᓚᓗᒋᑦ ᐃᓇᓘᔭᙳᐊᑦ. ᖃᓛᖅᑎᓪᓗᒍ 2-4 min-ᓄᑦ, ᐅᒡᕙᓘᓐᓃᑦ ᐃᓇᓘᔭᙳᐊᑦ ᐊᕿᒡᓕᒃᐸᑕ.
ᐊᖅᐲᑦ ᒥᑭᑦᑐᑯᓗᐃᑦ ᓰᕐᓇᖅᑐᑦ ᐱᕈᓲᑦ ᒪᓴᖕᓂᒃ ᐃᒪᖅᓱᖕᓂᒡᓗ. ᐱᕈᓲᑦ ᓇᑲᖃᖅᑐᓂᒃ ᐊᒥᑦᑐᕐᓂᒃ ᓄᓇᒧᑦ ᖃᓂᑦᑐᓂᒃ ᐅᖃᐅᔭᖏᓪᓗ ᐊᐅᐸᖅᑐᑎᒃ ᐆᔭᐅᔭᐅᓪᓗᑎᒡᓗ. ᐸᐅᕐᖓᐃᑦ ᑖᒃᑯᐊ ᓄᓂᕙᒐᔅᓴᐅᓕᓲᑦ ᐋᒡᒌᓯᒥ. ᐸᐅᕐᖓᖅ ᐊᐅᐸᖅᓯᒃᐸᑦ ᖃᖅᑯᐊᕐᓇᕐᓗᓂᓗ, ᐱᔭᕇᖖᒋᑦᑐᖅ. ᓈᒻᒪᒃᓯᔭᕌᖓᑕ ᓂᕆᔭᒃᓴᕈᖅᑐᑎᒡᓗ, ᐊᖅᐲᑦ ᖁᖅᓱᐊᖓᓲᑦ, ᐃᔅᓯᖃᖅᑐᑎᒃ, ᓰᕐᓇᑲᓪᓚᒃᑐᑎᒃ, ᓰᕐᓇᖅᑐᑎᒡᓗ. ᑐᖁᓕᓗᐊᕌᖓᑕ, ᐊᕿᓪᓕᓲᑦ. ᐊᖅᐱᑦ ᕙᐃᑕᒥᓐ C-ᓕᐊᓗᐃᑦ ᐃᓕᖕᓄᓪᓗ ᐱᐅᓪᓗᑎᒃ.
ᐊᖅᐲᑦ ᐸᓚᐅᒑᑦ:
(ᓴᓇᓲᑦ 12ᓂᒃ ᐸᓚᐅᒑᓂᒃ)
ᐃᓚᔅᓴᖏᑦ
– 1 ᐃᕐᖑᓯᖅ sour cream (ᐃᒻᒧᕐᓘᑦ, ᐱᖃᖖᒋᒃᑯᕕᑦ, ᐊᑐᕈᓐᓇᖅᑐᑎᑦ 1 ᐃᒻᒧᒃ ᐃᓚᖃᕐᓗᓂ 1 ᐊᓘᑎᖅᐸᒃ white vinegar.
– 1 ½ ᐊᓘᑎᖅᐸᒃ lemon juice ᐅᕝᕙᓘᓐᓃᑦ lemon ᐊᕝᕙᖓ, ᐃᔅᓯᖓ.
– 1 ᐊᓘᑎᕋᓛᖅ baking soda (ᐳᕙᓪᓚᖅᑯᑎᕐᓘᑦ)
– 4 ᐃᕐᖑᓯᑦ ᐸᓚᐅᒑᔅᓴᖅ
– 2 ᐊᓘᑎᕋᓛᖅ ᐳᕙᓪᓚᖅᑯᑦ
– ¾ ᐃᕐᖑᓯᖅ ᓱᑲᖅ
– 1 ᐊᓘᑎᕋᓛᖅ ᑕᕆᐅᖅ
– ¼ ᐊᓘᑎᕋᓛᖅ cream of tartar (ᑕᐃᒪᐃᑦᑐᖃᖖᒋᒃᑯᕕᑦ ᐊᑐᕈᓐᓇᖅᑐᑎᑦ ½ ᐊᓘᑎᕋᓛᖅ white vinegar)
– 1 ᐃᕐᖑᓯᖅ ᐊᖅᐲᑦ
– 1 ᐃᕐᖑᓯᖅ ᑕᕆᐅᖃᖖᒋᑦᑐᖅ ᐸᑕ, ᓂᒡᓕᓇᕐᔪᐊᖅᑐᖅ ᑭᑉᐹᕆᑦᑐᕋᓛᖑᓗᑎᒃ.
– 1 ᒪᓐᓂᒃ
– ᐊᔪᕆᖅᓲᔾᔨᔾᔪᑎᑦ
1. ᐃᒐ ᐆᓇᖅᓯᑎᓪᓗᒍ 350°F.
2. ᐅᖅᓱᖅᑎᒐᓛᓪᓗᒍ ᓯᕙᓛᓕᐅᕈᑦ ᐆᑦᑎᓯ.
3. ᒪᒃᑲᐅᔭᕋᓛᒧᑦ, ᑲᑎᓪᓗᒋᑦ sour cream, lemon juice, ᐊᒻᒪ ᐳᕙᓪᓚᖅᑯᕐᓘᑎ. ᓴᓂᕐᕙᕐᓗᒋᑦ.
*ᖃᐅᔨᒪᒋᑦ: ᐃᒻᒧᒻᒥᒃ ᐊᑐᕈᕕᑦ ᐊᒻᒪ vinegarᒥᒃ sour creamᖑᙱᑦᑐᒥᒃ, ᑲᑎᒃᑭᒃ 5 ᐃᑲᕐᕌᕈᓯᓂᒃ ᕿᑲᖅᑎᓪᓗᒋᒃ ᑲᑎᓪᓗᒍ lemon ᐃᔅᓯᖓ ᐊᒻᒪ ᐳᕙᓪᓚᖅᑯᑎᕐᓘᑦ.
4. ᒪᒃᑲᐅᔭᑯᔅᓱᖕᒧᑦ, ᑲᑎᓪᓗᒋᑦ ᐸᓚᐅᒑᔅᓴᖅ, ᐳᕙᓪᓚᖅᑯᑦ, ᓱᑲᖅ, ᑕᕆᐅᖅ, ᐊᒻᒪ cream of tartar. ᐃᓚᓕᐅᑎᓕᕐᒥᓗᒋᑦ ᐊᖅᐲᑦ ᐃᖑᓪᓗᒋᑦ.
5. ᐸᑕ ᐃᓚᓕᐅᑎᓗᒍ ᐸᓚᐅᒑᔅᓴᔭᓕᖕᒧᑦ ᑲᑎᓯᒪᔪᓄᑦ. ᓯᖃᓕᓕᕐᓗᒋᑦ ᐸᓚᐅᒑᕈᔪᓕᐅᖅᑐᓄᑦ ᐃᖑᑦᑎᔾᔪᑕᐅᓲᒧᑦ ᐅᓗᐸᓗᕈᓘᔮᖅᑐᓄᑦ ᐊᒡᒐᖕᓄᓪᓘᓐᓂᑦ. ᐊᒡᒐᑎᑦ ᐊᑐᕈᕕᒋᑦ, ᓂᒡᓕᓇᖅᑐᒧᑦ ᐃᒥᕐᒧᑦ ᐃᕐᕈᓚᐅᕐᓗᒋᑦ ᐸᑕ ᐃᖑᖃᓯᐅᑎᖅᑳᖏᓐᓂᕐᓂᒃ. ᒪᐅᓇᑐᐊᑎᑦ ᐊᑐᕐᓗᒋᑦ. ᑕᐃᒫᒃ ᐸᑕ ᓂᒡᓕᓇᐃᓐᓇᕐᔪᐊᕐᓂᐊᖅᑐᖅ. ᖃᓄᐃᖖᒋᑦᑐᖅ ᐸᐅᕐᖓᐃᑦ ᖃᒐᖅᑐᖃᕋᓗᐊᖅᐸᑕ.
6. ᒪᓐᓂᒃ ᐃᖑᖃᓯᐅᑎᓕᕐᓗᒍ ᐸᓚᐅᒑᔅᓴᔭᓄᑦ. ᐃᓚᓕᐅᑎᓕᕐᓗᒍ sour cream ᐃᖑᓚᕐᓗᒋᓪᓗ. ᐃᖑᑕᐃᑦ ᐸᓂᖅᑑᔮᕐᓂᐊᖅᑐᖅ ᓂᕕᖓᐅᖅᑐᖃᖅᑑᔮᕐᓗᓂ. ᐃᖑᓗᐊᖅᑕᐃᓕᐅᒃ.
7. ᑭᐴᑉ ᖄᖓ ᐸᓚᐅᒑᔅᓴᔭᓕᕐᓗᒍ. ᐃᖑᑕᐃᓪᓗ ᑕᒪᐅᖓ ᐃᓕᓗᒍ. ᓇᕿᑎᕐᓗᒍ ᐊᒡᒐᖕᓄᑦ ᑲᑎᓐᓇᓱᐊᕐᓂᖓᓂ.
8. ᐊᕕᓪᓗᐊᕐᓗᒍ ᐃᖑᑕᐃᑦ ᐊᑐᓂᓗ ᓯᖓᕐᓗᒋᒃ ᐊᒻᒪᓗᕐᓗᑎᒃ ᐃᔾᔪᓂᖃᕐᓗᑎᒃ ½ in.
9. ᑖᒃᑯᐊ ᐊᒻᒪᓗᖅᑐᑦ ᓯᖓᖅᓯᒪᔪᑦ ᐱᖓᓲᔪᖅᑐᑦ ᑕᐃᒫᓪᓗᐊᖅᑐᒡᒍᑎᓂᒃ ᐊᕕᒃᑐᕐᓗᒋᑦ. ᑖᒃᑯᐊᓗ ᐲᖅᑕᑎᑦ ᓯᕙᓛᓕᐅᕈᒻᒧᑦ ᐃᓕᐅᖅᑲᕐᓗᒋᑦ.
10. ᐆᓪᓗᒋᑦ 15-18 ᐃᑲᕐᕌᕈᓯᓂᒃ, ᓯᕙᓛᓕᐅᕈᑦ ᐃᓪᓗᐊᓄᖔᖅ ᐅᐃᔾᔭᓪᓚᒃᑎᓪᓗᒍ 8 ᐃᑲᕐᕌᕈᓯᑦ ᓈᑉᐸᑕ, ᓯᓇᕐᔪᖏᑦ ᑲᔪᕈᓯᑉᐸᑕ. ᐸᓚᐅᒑᓕᐊᑎᑦ ᓂᒡᓕᑦᑎᕐᓗᒋᑦ 10ᓂᒃ ᐃᑲᕐᕌᕈᓯᕐᓂᒃ ᒪᒪᑕᓕᕐᓗᒋᑦ ᐸᑕᓕᕐᓗᒋᑦ ᒥᖑᐊᓕᕐᓗᒋᓪᓘᓐᓃᑦ.
ᐊᒥᓱᑦ ᐊᖅᐱᖕᓂᒃ ᒥᖑᐊᓕᐅᕈᒪᓲᖑᔪᑦ. ᑖᒃᑯᐊ ᐸᐅᕐᖓᐃᑦ muffinᓕᐅᕈᑕᐅᔪᓐᓇᕐᒥᔪᑦ, ᐸᓚᐅᒑᓕᐅᖅᑐᓄᑦ ᐆᑎᕆᔪᓄᓪᓗ. ᐊᖅᐲᑦ ᒪᒪᖅᑐᐊᓘᖕᒥᔪᑦ ᐸᐃᓕᐊᖑᓪᓗᑎᒃ ᐸᓚᐅᒑᓕᐅᖅᑐᓄᓪᓗ ᐃᓚᓕᐅᔾᔭᐅᓪᓗᑎᒃ. ᐃᓚᓕᐅᑎᔪᓐᓇᕐᒥᔭᑎᑦ ᐸᐅᕐᖓᐃᑦ ᐊᓗᓕᐅᕐᓗᑎᑦ ᑐᒃᑑᑉ ᑐᓐᓄᖓᓂᒃ ᓇᑦᑎᐅᓪᓘᓐᓃᑦ ᐅᖅᓱᖓᓂᒃ ᐊᑯᑦᑎᓗᑎᑦ. ᐊᖅᐱᖁᑏᑦ ᐅᖃᐅᔭᖏᑦ ᐸᓂᖅᑎᑕᐅᓗᑎᒃ ᑏᓕᐅᕈᑕᐅᔪᓐᓇᖅᑐᑦ. ᖃᓄᒃᑲᓐᓂᖅ ᐊᖅᐱᖕᓂᒃ ᐊᑐᕈᓐᓇᖅᐱᑦ?
ᒪᒪᖅᑐᐊᓗᒃ ᐅᒥᖕᒪᒃ ᓯᓕ
ᐅᒥᖕᒪᒃᑕᖃᐅᖅᑐᐊᓘᖕᒪᑦ ᐱᖓᓐᓇᕐᒥ ᓄᓇᕗᒻᒥ! ᐃᓄᐃᑦ ᕿᑎᕐᒥᐅᑦ ᓂᕆᕙᒃᐳᑦ ᐅᒥᖕᒪᖕᒥᒃ ᖁᐊᖑᓪᓗᓂ, ᒥᒃᑰᓪᓗᓂ, ᐆᔫᓪᓗᓂᓗ. ᐅᒥᖕᒪᐅᑉ ᓂᕿᖓ ᑕᖏᖃᑦᑎᐊᖅᑐᐊᓗᒃ ᐱᒻᒪᕆᐊᓗᖕᓂᒡᓗ ᐆᒪᑦᑎᐊᕈᓐᓇᐅᑎᖃᖅᖢᑎᒃ ᓲᕐᓗ ᕙᐃᑕᒪ B, ᕙᐃᑕᒪ Dᓗ. ᖃᓄᐃᙱᑦᑎᐊᖅᑎᑦᑎᕙᒃᐳᑦ ᑲᑦᑐᐊᕐᓂᒃ, ᐊᐅᖕᒥᒃ, ᐅᕕᓂᖕᒥᒡᓗ.
ᐊᖏᕐᕋᔅᓯᓐᓂ ᐃᓐᓇᕐᒧᑦ ᐃᑲᔪᖅᑕᐅᔪᒪᓗᑎᑦ ᓂᕿᓕᐅᕆᑦ ᒪᓕᒡᓗᑎᑦ ᑎᑎᖅᑲᓂᒃ! ᐅᒥᖕᒪᐅᑉ ᓂᕿᖓᓂᒃ ᐱᑕᖃᙱᑉᐸᑦ, ᓯᓕᓕᐅᕈᓐᓇᖅᐳᑎᑦ ᑐᒃᑐᒥᒡᓘᓐᓃᑦ ᐃᒻᒧᒃᓯᐅᒐᐅᓪᓘᓐᓃᑦ ᓂᕿᖓᓂᒃ ᓯᖃᓕᓯᒪᔪᒥᒃ.
ᐃᓗᓕᕆᒋᐊᓕᖏᑦ:
– 2 ᐊᑯᓐᓈᕿᔪᒃ ᐃᑎᐅᔮᒃ
– 3 ᒑᓕᒃ ᐊᕕᒃᑐᖅᓯᒪᔪᑦ
-3 ( 15.5 ounce) ᐃᐳᐃᑦᑐᑦ ᓂᓕᕐᓇᑦ.
ᐊᑐᕈᓐᓇᖅᑐᑎᑦ ᓇᓕᐊᖕᓂᑐᐃᓐᓇᖅ ᐅᑯᓂᖓ, ᖃᐅᓪᓗᖅᑐᓂᒃ, ᕿᕐᓂᖅᑐᓂᒃ, ᐅᕝᕙᓘᓐᓃᑦ ᑕᖅᑑᔭᓂᒃ ᓂᓕᕐᓇᓂᒃ.
2 pounds ᐅᒥᖕᒪᐅᑉ ᓂᕿᖓ
– 2 ᐊᓘᑎᕋᓛᒃ ᖁᖅᓱᖅᑐᖅ ᐅᖅᓱᖅ
– 1 ᐊᓘᑎᕐᔪᐊᖅ ᐊᐅᐸᖅᑐᖅ pepper flakes
– 6 ᐊᓘᑎᕐᔪᐊᖅ ᓯᓕ ᑲᙵᖅᓱᒐᖅ
– 1 ᐊᓘᑎᕋᓛᒃ ground cumin
– 1 ᐊᓘᑎᕋᓛᖅ ᑕᕆᐅᖅ
– 1/4 ᐊᓘᑎᕋᓛᒃ cayenne pepper
– 1 (14.5 oz) ᐃᐳᐃᑦᑐᖅ ᐊᒡᒍᖅᓯᒪᔪᑦ ᑐᒫᑐᑦ
– 4 ᐃᕐᖑᓰᑦ ᐃᒪᖅ
ᑐᓴᕋᒃᓴᖅ: ᓂᕈᐊᖃᕈᓐᓇᖅᑐᑎᑦ ᖃᓄᑐᐃᓐᓇᖅ ᐊᓯᖏᓐᓂᒃ ᓂᓕᕐᓇᓂᒃ ᐱᔪᒪᒍᕕᑦ!
– Method
1. ᐊᕕᒃᑐᕐᓗᒋᑦ ᐃᑎᐅᔭᑦ ᑭᑉᐹᕆᒃᑑᑕᐅᓗᑎᒃ ᑕᒧᐊᓪᓗᐊᙳᖅᑎᓪᓗᒋᑦ. ᐊᕕᒃᑐᕐᓗᒋᑦ ᒑᓕᒃ ᑐᐊᑦᑑᑕᐅᓕᖅᑎᓪᓗᒋᑦ. ᓴᓂᕐᕙᒡᓗᒍ.
2. ᐃᒪᖏᑦ ᑯᕕᓗᒋᑦ ᐃᐳᐃᑦᑐᒥᑦ ᓂᓕᕐᓇᑦ ᐴᖏᓐᓂᑦ. ᐃᕐᕈᕐᓗᒋᑦ ᓂᓕᕐᓇᑦ ᐃᒪᕐᒧᑦ ᑯᕕᔪᒧᑦ. ᓴᓂᕐᕙᒡᓗᒍ.
3. ᐊᕕᒃᑐᕐᓗᒋᑦ ᐅᒥᖕᒪᐅᑉ ᓂᕿᖏᑦ ᑭᑉᐹᕆᒃᓯᑎᐅᕋᕐᓗᒋᑦ.
4. ᐊᑕᐅᓯᕐᒥᒃ ᐊᓘᑎᕋᓛᒥᒃ ᐅᖅᓱᒥᒃ ᐅᒃᑯᓯᖕᒧᐊᖅᓯᒋᑦ ᐆᓇᕐᓂᖓ ᐊᑯᓐᓈᕿᓗᓂ. 2 ᒥᓂᑦᒥᒃ ᐆᓇᖅᓯᑦᑎᐊᕆᓚᐅᕐᓗᒍ, ᐴᖅᓯᒋᑦ ᐅᒥᖕᒪᐅᑉ ᓂᕿᖓᓂᒃ.
5. ᐆᔪᓕᐊᕆᓗᒍ ᐅᒥᖕᒪᐅᑉ ᓂᕿᖓ 10 ᒥᓂᑦᒥᒃ ᐊᑯᓂᐅᑎᒋᔪᖅ. ᐆᓐᓇᓱᖕᓂᓕᒫᖓᓂ, ᐊᐅᓚᑎᑉᐸᒡᓗᒍ ᕿᔪᐊᕐᔪᖕᒧᑦ ᐊᓘᑎᒧᑦ ᐆᑕᖅᑎᑦᑕᐃᓕᒪᓗᒍ.
6. ᐊᓘᑎᒧᑦ ᐅᒥᖕᒪᐅᑉ ᓂᕿᖓ ᖃᓗᕙᒡᓗᒍ ᐅᒃᑯᓯᖕᒥᑦ. ᓵᑯᓗᖕᒧᐊᕐᓗᒍ.
7. ᖁᖅᓱᖅᑐᖅ ᐅᖅᓱᖅ ᐊᒥᐊᒃᑯᖓ ᐅᒃᑯᓯᖕᒧᐊᕐᓗᒍ. ᐴᖅᑲᕐᓗᒋᑦ ᐃᑎᐅᔭᑦ, ᒑᓕᒃ, ᐊᐅᐸᖅᑐᑦ pepper flakes, ᓯᓕ ᑲᙵᖅᓱᒐᖅ, cumin, ᑕᕆᐅᖅ, cayenne pepperᓗ. ᐆᓪᓗᒋᑦ 5 ᒥᓂᑦᒥᒃ, ᐃᖑᓚᖅᐸᒡᓗᒋᑦ ᐆᑕᕐᓂᐊᙱᒻᒪᑕ.
8. ᐃᓚᓕᐅᑎᓗᒋᑦ ᐃᐳᐃᑦᑐᕐᒥᑦ ᑐᒫᑐᑦ. ᑲᑎᖅᓱᒐᑦ ᑖᒃᑯᐊ ᐆᓪᓗᒋᑦ ᖃᓛᓕᕋᓱᖕᓂᖏᓐᓂ ᐳᓪᓚᐅᔨᕌᖅᑕᖃᓕᖅᐸᑦ ᖃᔪᖓ.
9. ᐃᓚᓕᐅᑎᓗᒋᑦ ᐅᒥᖕᒪᐅᑉ ᓂᕿᖓ, ᓂᓕᕐᓇᑦ, ᐃᒪᕐᓗ ᐅᒃᑯᓯᖕᒧᑦ. ᑲᑎᖅᓱᒐᑦ ᐅᒃᑯᓯᖕᒦᑦᑐᑦ ᖃᓛᓕᖅᓯᐊᕆᓗᒋᑦ. ᐆᓇᕐᓂᖓ ᐊᒻᒧᒃᑎᒋᐊᕌᕐᔪᒡᓗᒍ ᐊᑯᓐᓈᕿᔫᑉ ᑐᖔᓄᑦ. ᐅᒃᑯᓯᒃ ᒪᑐᓗᒍ.
10. ᓯᓕ ᐆᑦᑎᐊᕆᒃᑲᓐᓂᕐᓗᒍ 45 ᒥᓂᑦᒥᒃ. ᐃᖑᓚᓚᐅᖅᐸᒡᓗ ᖃᑯᑎᒃᑯᑦ.
– ᖄᖓᓄᐊᖅᑐᒃᓴᑦ
ᓂᖅᖠᖅᓱᐃᔪᓐᓇᖅᐳᑎᑦ ᑕᐃᒪᓐᓇᑐᐃᓐᓇᖅ, ᐃᓚᔪᓐᓇᕐᒥᔭᑦ sour creamᒥᒃ ᐅᕝᕙᓘᓐᓃᑦ ᓰᓯᒥᒃ ᖄᖓᓄᐊᕐᓗᒍ. ᓂᕆᓕᕆᑦ ᐸᓚᐅᒑᖅᑐᕐᓗᑎᑦ ᐊᕿᕐᕈᔪᐊᕐᒥᒡᓘᓐᓃᑦ!
