ᐱᔨᑦᑎᕋᕐᓂᐅᑉ ᓇᓗᓇᐃᖅᓯᒪᓂᖏᑦ
ᖃᓄᐃᑦᑑᒻᒪᖔᑦ
ᐃᑭᐊᖅᑭᕕᒃ ᐅᓇ ᐊᐅᓚᑕᐅᔪᖅ Arvaaq Spin UK 1. ᐃᑭᐊᖅᑭᕕᒃᑯᓕᒫᖅ, ᑐᓴᖃᑦᑕᕐᓂᐊᖅᑕᐃᑦ “ᐅᕙᒍᑦ”, ᐊᒻᒪ “ᐱᕗᑦ” ᐆᒧᖓ ᑐᕌᖓᔪᖅ Arvaaq Spin UK 1. ᐅᖃᓕᒫᑦᑎᐊᕐᓂᐊᖅᐸᑎᑦ ᐱᔨᑦᑎᕋᕐᓂᐅᑉ ᓇᓗᓇᐃᖅᓯᒪᓂᖏᑦ ᐃᑭᐊᖅᑭᕕᒃᑰᕈᑎᕗᑦ ᐊᑐᓚᐅᖏᓐᓂᕐᓂ. ᐃᑭᐊᖅᑭᕕᒃᑎᓐᓅᖅᑎᓪᓗᑎᑦ, ᐊᑐᖅᑎᓪᓗᒋᑦ ᐊᑐᕈᓐᓇᐅᑎᕗᑦ ᐱᔨᑦᑎᕋᐅᑎᕗᓪᓗ/ᓂᐅᕕᕐᓗᑎᓪᓘᓐᓃᑦ ᓂᐅᕕᐊᒃᓴᖁᑎᑦᑎᓐᓂᒃ, “ᐱᔨᑦᑎᕋ”-ᕐᓂᑦᑎᓐᓅᖅᑐᑎᑦ” ᒪᓕᖕᓂᐊᕐᓂᕋᖅᑐᑎᓪᓗ ᐱᔨᑦᑎᕋᓂᐅᑉ ᒪᓕᒋᐊᓕᖏᓐᓂᒃ, ᐊᑐᐊᒐᕐᓂᒃ ᐅᕙᓂ ᓇᓗᓇᐃᖅᑕᐅᔪᓂᒃ ᓇᓗᓇᐃᖅᑕᐅᔪᓂᒃ ᐅᕙᓂ ᓇᖅᑭᑐᐃᓐᓇᕆᐊᓕᖕᒥ. ᑖᒃᑯᐊ ᐱᔨᑦᑎᕋᕐᓂᐅᑉ ᑐᑭᖏᑦ ᑕᒪᐃᓐᓄᑦ ᐃᑭᐊᖅᑭᕕᖕᒥ ᐊᑐᖅᐸᒃᑐᓄᑦ ᑐᕌᖓᔪᑦ, ᑭᒡᓕᖃᕋᑎᒃ ᑕᑯᔭᖅᑐᓲᓄᑦ, ᓂᐅᕕᐊᒃᓴᖃᖅᐸᒃᑐᓄᑦ, ᐳᓛᕆᐊᖅᐸᒃᑐᓄᑦ, ᓂᐅᕕᖅᐸᒃᑐᓄᑦ ᑖᒃᑯᓂᖓᓗ ᐃᓗᓪᓕᖅᓯᕙᒃᑐᓄᑦ.
ᐊᖏᖃᑎᒋᖖᒋᒃᑯᕕᒋᑦ ᐱᔨᑦᑎᕋᕐᓂᐅᑉ ᓇᓗᓇᐃᖅᓯᒪᓂᖏᑦ, ᑕᐃᒪ ᐃᑭᐊᖅᑭᕕᒃᑎᓐᓅᕆᐊᖃᖖᒋᓚᑎᑦ ᐱᔨᑦᑎᕋᐅᑎᕗᓪᓗ ᐊᑐᕐᓗᒋᑦ. ᓄᑖᑦ ᓴᖅᑭᔮᖅᑐᑦ ᐊᑐᕈᑎᓪᓗ ᐃᓚᓕᐅᑕᐅᔪᑦ ᐱᔨᑦᑎᕋᕐᓂᑦᑎᓐᓄᑦ ᐃᓗᐊᓃᑦᑐᑦ ᐱᔨᑦᑎᕋᕐᓂᐅᑉ ᓇᓗᓇᐃᖅᓯᒪᓂᖏᓐᓄᑦ. ᓄᑖᕈᕆᐊᖃᖃᑦᑕᖅᑕᕗᑦ/ᐊᓯᔾᔨᖅᐸᓪᓗᑎᒍᓪᓗ ᑕᕝᕙᓂ ᐃᑭᐊᖅᑭᕕᖕᒦᑦᑐᑦ. ᑖᓐᓇ ᑕᑯᒋᐊᓚᐅᓪᓚᖃᑦᑕᕆᐊᖃᖅᑕᐃᑦ ᐊᓯᔾᔨᖅᓯᒪᔪᖃᓕᕐᒪᖔᑦ. ᐃᑭᐊᖅᑭᕕᒃᐳᑦ ᐊᑐᖃᑦᑕᖅᑎᓪᓗᒍ ᐊᓯᔾᔨᖅᑐᖃᕌᖓᑦ ᖃᓄᐃᒃᓴᖏᓐᓂᕐᓂᒃ ᐊᓯᔾᔨᖅᑕᐅᔪᓂᒃ ᓇᓗᓇᐃᖅᓯᕗᖅ.
ᐊᕕᒃᓯᒪᓂᖓ 1 – ᐃᑭᐊᖅᑭᕕᒃᐳᑦ ᐱᔨᑦᑎᕋᕐᓂᕗᓪᓗ ᐊᑐᖃᑦᑕᖅᑎᓪᓗᒍ
ᓈᒻᒪᒃᓴᖅᑎᓪᓗᑎᑦ ᑖᒃᑯᓂᖓ ᓇᓗᓇᐃᖅᓯᒪᔪᓂᒃ ᐱᔨᑦᑎᕋᕐᓂᕐᓂᒃ, ᐊᕐᕌᒍᖃᖅᑐᒃᓴᐅᔪᑎᑦ ᓈᒻᒪᒃᑐᓂᒃ ᓄᓇᔅᓯ ᐊᕕᒃᑐᖅᓯᒪᓂᖏᑦᑎᒍᑦ, ᐅᕝᕙᓘᓐᓃᑦ ᐊᕐᕌᒍᑎᑦ ᓈᒻᒪᖕᒪᑕ ᓄᓇᔅᓯ ᐊᕕᒃᑐᖅᓯᒪᓂᖏᑎᒍᑦ ᐊᕐᕌᒍᑭᑦᑐᕐᒥᒃ ᑭᖑᕚᕐᓂᒃ ᑖᔅᓱᒥᖓ ᐃᑭᐊᖅᑭᕕᖕᒥᒃ ᐊᑐᕈᓐᓇᖅᑎᑦᑐᒍ.
ᑐᓂᓯᖅᑲᐅᒍᕕᑦ ᐅᕙᑦᑎᓐᓄᑦ ᐃᕝᕕᑦ ᒥᒃᓵᓄᑦ ᑐᓴᖅᑕᐅᔪᓐᓇᖅᑐᓂᒃ, ᑲᑎᖅᓱᐊᓂᒃ, ᐊᑐᖅᑕᐅᖁᓪᓗᒋᑦ/ᑐᓴᖅᑕᐅᖁᓪᓗᒋᓪᓗ ᐊᐅᓚᑕᐅᒻᒪᑕ ᑐᓴᖅᑕᐅᔭᕆᐊᖃᖖᒋᑦᑐᓂᒃ ᓇᓗᓇᐃᖅᑕᐅᓯᒪᔪᖁᑎᑦᑎᓐᓂᒃ. ᕿᒥᕐᕈᒍᒃ ᑐᓴᖅᑕᐅᔭᕆᐊᖃᖖᒋᑦᑐᓂᒃ ᓇᓗᓇᐃᖅᓯᒪᔪᓂᒃ ᐅᕙᑦᑎᓐᓅᖅᓯᓂᐊᑐᐊᕈᕕᑦ ᑐᓴᖅᑕᐅᔪᓐᓇᖅᑐᓂᒃ ᐃᕝᕕᑦ ᒥᒃᓵᓄᑦ.
ᓈᒪᒃᓴᖅᑐᑎᑦ ᐊᒥᓱᓕᐅᔾᔮᖖᒋᓐᓂᕋᖅᑐᑎᑦ, ᐊᔾᔨᓕᐅᕆᔾᔮᖖᒋᓐᓂᕋᖅᑐᑎᑦ, ᐸᐃᑉᐹᒃᑰᓕᖅᑎᑦᑎᔾᔮᖖᒋᓐᓂᕋᖅᑐᑎᑦ, ᓂᐅᕐᕈᑎᖃᔾᔮᖖᒋᓐᓂᕋᖅᑐᑎᑦ, ᓂᐅᕐᕈᑎᖃᓕᖅᑭᔾᔮᖖᒋᓐᓂᕋᑐᑎᑦ ᓴᖅᑮᑲᒻᒪᔾᔮᖖᒋᓐᓂᕋᖅᑐᑎᓪᓗ ᐃᓚᖓᓂᒃ ᐱᔨᑦᑎᕋᕐᓂᐅᑉ, ᐱᔨᑦᑎᕋᕐᓂᐅᓪᓗ ᐃᓚᖓᓂᒃ, ᐱᔨᑦᑎᕋᕐᒥᓂᒡᓗ ᐊᖏᖃᑎᒌᓐᓂᒃᑯᓪᓗ ᑕᕝᕙᓂ ᐃᑭᐊᖅᑭᕕᖕᒥ ᑖᔅᓱᒨᓇ ᐱᔨᑦᑎᕋᕐᓂᖅ ᐊᑐᕐᒪᑦ, ᑎᑎᕋᓚᐅᖖᒋᓪᓗᑎᑦ ᓈᒻᒪᒋᔭᐅᔾᔪᒻᒥᑦ ᐅᕙᑦᑎᓐᓄᑦ.
ᐃᑭᐊᖅᑭᕕᒃ ᐊᑐᕈᓐᓇᖖᒋᑕᐃᑦ, ᐃᓗᓕᖏᓪᓗ ᐱᔨᑦᑎᕋᕐᓂᑦᑕ: (a) ᒪᓕᒐᕐᒥ ᓱᕋᐃᓂᐊᕈᕕᑦ; (b) ᑎᓕᐅᕆᔭᕆᐊᖃᙱᓚᑎᑦ ᐊᓯᖕᓂᒃ ᒪᓕᒐᕐᒥ ᓱᕋᐃᖁᓗᒋᑦ; (c) ᐱᓂᕐᓗᒡᓗᑎᑦ ᓈᓚᒐᕐᕕᖕᓂ, ᒐᕙᒪᑐᖃᖅᑯᑦ, ᐊᕕᒃᓯᒪᓂᖏᑕ ᒐᕙᒪᖃᕐᕕᖓᑕ ᒪᓕᒐᕋᓛᖏᓐᓂᒃ, ᒪᓕᒐᖏᓐᓂᒃ ᒪᓕᒐᕐᔪᐊᓂᒃ, ᓄᓇᓖᓪᓗ ᐊᖏᕈᑎᖏᓐᓂᒃ; (d) ᓱᕋᓪᓗᒋᑦ ᐱᓂᕐᓗᓪᓗᒋᓪᓗ ᐱᖃᕐᓂᕆᔭᕗᑦ ᖃᐅᔨᒪᔭᐅᔪᓂᒃ, ᐊᓯᑦᑕᓗ ᐱᖃᕐᓂᖏᓐᓂᒃ (e) ᐸᕝᕕᓵᕆᔭᕆᐊᖃᖏᓐᓂᖅ, ᐱᑦᑎᐊᖏᓐᓂᖅ, ᐊᒻᒧᒃᑎᕆᓂᖅ, ᐋᓐᓂᖅᓯᓂᖅ, ᐱᐅᖖᒋᓕᑎᕆᓂᖅ, ᓴᓪᓗᔾᔪᑎᖃᕐᓂᖅ, ᑭᓲᖖᒋᑎᑦᑎᓂᖅ, ᑲᑉᐱᐊᓵᕆᓂᖅ, ᐊᔾᔨᐅᖖᒋᑎᑦᑎᓂᖅ ᐊᕐᓇᐅᓂᖓ/ᐊᖑᑕᐅᓂᖓ ᐱᓪᓗᒍ, ᐅᒃᐱᕐᓂᖓ, ᖃᓄᐃᑦᑑᓂᖓ, ᐊᕐᕌᒍᖓ, ᓇᑭᖖᒑᖅᓯᒪᓂᖓ, ᐱᒡᒐᕐᓂᖓᓗ; (f) ᑐᓂᓯᓗᑎᑦ ᓱᓕᖏᑦᑐᓂᒃ ᑐᓴᖅᑕᐅᔪᓐᓇᖅᑐᓂᒃ; (g) ᑐᖅᑯᐃᓗᑎᑦ ᓇᒃᓯᐅᔾᔨᓗᑎᓪᓘᓐᓃᑦ ᖁᐱᕐᕈᓂᒃ ᐊᓯᖏᓐᓂᒡᓗ ᐊᐅᓚᑦᑎᔾᔪᑎᕐᓘᑎᓂᒃ ᐱᔨᑦᑎᕋᕐᓂᑦᑎᓐᓂᒃ ᐊᒃᑐᐃᔪᓐᓇᑐᓂᒃ ᐊᓯᖏᓐᓂᒡᓗ ᐃᑭᐊᖅᑭᕕᒃᑰᕈᑎᓂᒃ, ᐊᓯᖏᓐᓂᒡᓗ ᐃᑭᐊᖅᕕᖕᓂᒃ, ᖃᕋᓴᐅᔭᒃᑰᕈᑎᓂᒡᓘᓐᓂᑦ; (h) ᑲᑎᖅᓱᐃᓗᑎᑦ ᒪᓕᒡᓗᑎᓪᓘᓐᓃᑦ ᐊᓯᕕᑦ ᑐᓴᖅᑕᐅᔪᓐᓇᕈᑎᓂᖏᓐᓂᒃ; (i) ᐃᑭᐊᖅᑭᕕᒃᑯᑦ ᓱᓕᖖᒋᑦᑐᓂᒃ ᑐᓴᖅᑕᐅᑎᑦᑎᕙᖏᓪᓗᑎᑦ (spam), ᐱᕋᔭᒐᒃᓴᖅᓯᐅᕐᓗᑎᑦ (phish), ᑲᑎᖅᓱᐃᓗᑎᑦ ᐱᔭᕋᔭᓐᓂᐊᖅᑕᕕᑦ ᑐᓴᖅᑕᐅᔾᔪᑎᖏᓐᓂᒃ (pharm), ᑖᓐᓇᐅᖖᒍᐊᕐᓗᑎᑦ ᑎᒡᓕᒐᕕᒋᓇᓱᐊᖅᑕᐃᑦ (pretext), ᑐᖅᑯᕐᓂᐊᖅᑕᕐᓂᒃ ᕿᓂᕐᓗᑎᑦ ᐱᕋᔭᒍᒫᕐᓂᐊᕋᕕᐅᒃ (spider), ᕿᓂᕐᓗᑎᑦ ᐱᕋᔭᖕᓂᐊᖅᑕᒥ ᓇᓗᓇᐃᒃᑯᑎᕐᓗᒍᓗ (crawl), ᐲᔭᕐᓗᒋᓪᓗ ᑐᓴᖅᑕᐅᔪᓐᓇᖅᑐᑦ ᐊᑐᕈᓐᓇᖅᑕᑎᑦ ᐱᕋᔭᖕᓂᐊᕋᕕᐅᒃ (scrape); (j) ᑲᖖᒍᓇᖅᑐᓕᕆᓂᖅ ᑕᓗᕈᒃᑯᓇᖅᑐᓕᕆᓂᕐᓗ; (k) ᐅᓚᕕᑦᑎᓂᒃᑯᑦ ᕿᓂᕐᓂᒃᑯᓪᓗ ᓴᐳᒻᒥᔨᓂᒃ ᓱᕋᐃᓂᐊᕐᓗᓂ ᐱᔨᑦᑎᕋᕐᓂᕐᒥᒃ ᐃᑭᐊᖅᑭᕕᒃᑯᑦ, ᐊᓯᖏᑕᓗ ᐃᑭᐊᖅᑭᕖᑦ, ᖃᕋᓴᐅᔭᒃᑯᑦ.
ᐱᔪᓐᓇᕐᓂᖃᖅᐳᒍᑦ ᑭᐱᓯᑦᑕᐅᑎᒋᓗᑕ ᐱᔨᑦᑎᕋᕐᓂᑦᑎᒍᑦ ᐊᓯᖏᑎᒍᓪᓗ ᐃᑭᐊᖅᑭᕕᒃᑯᑦ ᐊᑐᕆᐊᖃᖖᒋᑕᕐᒥ ᐊᑐᖅᑎᓪᓗᑎᑦ, ᓇᓗᓇᐃᖅᑕᐅᓂᐊᖅᑐᖅ ᐅᕙᑦᑎᓐᓄᑦ. ᓱᕋᐃᓂᖅ ᒪᓕᖏᓐᓂᕐᓗ ᓇᓗᓇᐃᖅᑕᐅᓯᒪᔪᓂᒃ ᑭᐱᔭᐅᔾᔪᑎᒋᑦᑕᐅᑎᒋᓂᐊᖅᐸᑦ ᐱᔨᑦᑎᕋᐅᑕᐅᔪᒦᓐᓂᕐᓂᑦ. ᐊᑲᐅᓯᔾᔪᑕᐅᔪᓐᓇᖅᑐᓂᒃ ᐊᑐᕈᓐᓇᖅᑐᒍᑦ ᐊᑐᐃᓐᓇᐅᔪᓂᒃ ᐅᕙᑦᑎᓐᓄᑦ ᓇᓕᐊᖕᓂᑐᐃᓐᓇᖅ. ᐊᑲᐅᓯᔾᔪᑕᐅᔪᓐᓇᖅᑐᓂᒃ ᓇᓗᓇᐃᖅᑕᐅᓯᒪᔪᑦ ᐊᑖᓃᑦᑐᑦ ᖁᔭᓈᔾᔮᖖᒋᑕᕗᑦ ᐊᓯᖏᓗ ᐊᑲᐅᓯᔾᔪᑕᐅᔪᓐᓇᖅᑐᑦ, ᒪᓕᒐᐅᑉ ᐊᑖᓂ ᓇᒻᒪᒃᓯᔾᔪᑕᐅᔪᓪᓗ.
ᐊᕕᒃᓯᒪᓂᖓ 2 – ᐱᖁᑎᑦ ᐱᔨᑦᑎᕋᕐᓃᓪᓗ (ᐱᑕᖃᖅᐸᑕ)
ᐱᖁᑎᑦ ᐱᔨᑦᑎᕋᐅᑎᓪᓗ ᐊᑐᐃᓐᓇᐅᑐᐃᓐᓇᕆᐊᓖᑦ ᐅᕘᓇ ᐃᑭᐊᖅᑭᕕᒃᑯᑐᐊᖅ.
ᐱᖁᑏᑦ ᐃᑭᐊᖅᑭᕕᒃᑯᑦ ᓴᖅᑭᔮᖅᑎᓐᓇᓱᒃᑕᕗᑦ ᑕᒻᒪᖅᓯᒪᖖᒋᑦᑎᐊᖅᑐᑎᒃ. ᑭᓯᐊᓂ ᑕᒻᒪᖅᓯᒪᔾᔮᖖᒋᒃᑲᓗᐊᕐᒪᖔᑦ ᐊᒥᐊᖏᑦ ᐅᖃᕈᓐᓇᖖᒋᓚᒍᑦ ᖃᕋᓴᐅᔭᖅᐱᑦ ᑕᑯᓐᓇᐅᑎᖓᑎᑐᑦ.
ᐱᓯᒪᔭᕗᑦ, ᑭᓯᐊᓂ ᑎᓕᐅᖅᑕᐅᓇᑕ, ᑐᖅᑯᖅᑕᐅᓇᓱᒃᑐᓂᒃ ᑭᒡᓕᖃᖅᑎᑦᑎᓗᑕ ᐱᖁᑎᑦᑎᓐᓂᒃ ᐱᔨᑦᑎᕋᕐᓂᑦᑎᓐᓂᓪᓘᓐᓃᑦ ᑭᓇᑐᐃᓐᓇᕐᒧᑦ, ᓄᓇᐅᑉ ᓇᓃᓐᓂᖏᓐᓄᑦ ᐊᕕᒃᑐᖅᓯᒪᓂᖏᓐᓄᓪᓘᓐᓃᑦ. ᐱᔪᓐᓇᕐᓂᕗᑦ ᐊᑐᑐᐃᓐᓇᕆᐊᖃᖅᑕᕗᑦ ᐱᔭᕆᐊᖃᕌᖓᑦᑕ ᓱᔭᐅᓃᑦ ᒪᓕᒡᓗᒋᑦ. ᑭᒋᓕᖃᖅᑎᑦᑐᓐᓇᕐᒥᔭᕗᑦ ᐱᔨᑦᑎᕋᕐᓂᕗᑦ. ᑲᔪᓯᑎᑦᑐᓐᓃᕈᓐᓇᕐᒥᔭᕗᑦ ᐱᔨᑦᑎᕋᕐᓂᕗᑦ ᖃᖓᑐᐃᓐᓇᖅ.
ᐅᖃᕈᓐᓇᖖᒋᑦᑐᒍᑦ ᐱᖁᑎ, ᐱᔨᑦᑎᕋᕐᓂᕗᑦ, ᑐᓴᖅᑕᐅᔪᓐᓇᖅᑐᑦ, ᐊᓯᖏᓪᓗ ᓈᒻᒪᒋᓂᐊᕐᒪᖔᖅᐱᒋᑦ, ᐱᔨᑦᑎᕋᕐᓂᑦᑎᒍᓪᓗ ᑕᒻᒪᖅᑕᐅᔪᖅ ᐋᖅᑭᒋᐊᖅᑕᐅᓂᐊᕐᒪᖔᑦ.
ᐊᕕᒃᓯᒪᓂᖓ 3 – ᐱᓕᕆᔾᔪᑕᐅᔪᓐᓇᖅᑐᑦ ᐱᔪᒪᔪᓄᑦ
ᐱᓕᕆᕕᒃᑕ ᓯᓚᑖᓃᑦᑐᓂᒃ ᐱᓕᕆᔾᔪᑎᓂᒃ ᐊᐃᑦᑐᑐᐃᓐᓇᕆᐊᖃᕆᕙᔅᓯ ᖃᐅᔨᓴᖖᒋᑕᑦᑎᓐᓂᒃ ᐊᐅᓚᑦᑐᓐᓇᖖᒋᑕᑦᑎᓐᓂᓪᓗ ᐊᓯᔾᔨᕈᓐᓇᖖᒋᑕᑦᑎᓐᓄᓪᓗ.
ᑐᓴᖅᑐᑎᑦ ᓈᒻᒪᒃᓴᖅᑐᑎᓪᓗ ᐊᑐᐃᓐᓇᐅᑎᑦᑎᒐᑦᑕ ᐱᓕᕆᔾᔪᑎᓂᒃ “ᑕᐃᒪᐃᑎᓪᓗᒋᑦ” “ᐊᑐᐃᓐᓇᐅᒻᒪᑕᓗ” ᑭᖑᕝᕕᖅᑕᐅᔪᓐᓇᕋᔭᖅᑎᓐᓇᒋᑦ, ᑭᒡᒐᖅᑐᖅᑕᐅᓗᑎᒃ ᖃᓄᐃᑦᑑᓂᖓᓘᓐᓃᑦ ᐃᑲᔪᖅᓱᖅᑕᐅᖏᓪᓗᑎᒃ. ᐸᓯᔭᒃᓴᐅᖖᒋᓚᒍᑦ ᐊᑐᖅᑎᓪᓗᒋᑦ ᐱᓕᕆᔨᔾᔪᑎᓂᒃ ᐱᓕᕆᕕᒃᑕ ᓯᓚᑖᓃᖖᒑᖅᑐᑦ.
ᐊᑐᖅᑕᑎᑦ ᐱᓕᕆᔾᔪᑎᑦ ᐃᑭᐊᖅᑭᕕᒃᑎᒎᖅᑎᓪᓗᒋᑦ ᑐᑭᓯᓯᒪᕗᑎᑦ ᖃᓄᐃᓕᑲᓪᓚᒍᓐᓇᕐᓂᕐᓂᒃ ᖃᐅᔨᒪᒐᕕᑦ ᓈᒻᒪᒋᓪᓗᒋᓪᓗ ᐱᓕᕆᔾᔪᑎᑦ ᐱᓕᕆᕕᒃᑕ ᓯᓚᑖᓃᖅᑐᖅ(ᑦ).
ᓯᕗᓂᑦᑎᓐᓂ, ᐱᔨᑦᑎᕋᕈᑎᓂᒃ ᓄᑖᓂᒃ ᓴᖅᑮᑐᐃᓐᓇᕆᐊᖃᕆᕗᒍᑦ ᐃᑭᐊᖅᑭᕕᒃᑯᑦ (ᐃᓚᒋᓗᒋᑦ, ᐱᓕᕆᔾᔪᑎᑦ ᓄᑖᑦ ᐱᓕᕆᐊᒃᓴᓪᓗ). ᓄᑖᑦ ᓴᖅᑭᑕᕗᑦ ᐱᔨᑦᑎᕋᕈᑎᕗᓪᓘᓐᓃᑦ ᓇᓗᓇᐃᖅᑕᐅᓯᒪᔪᑦ ᐱᔨᑦᑎᕋᐅᑎᐅᑉ ᐃᓗᐊᓃᑦᑐᓂᒃ ᐊᑐᕋᔭᕐᒥᔪᑦ.
ᐊᕕᒃᓯᒪᓂᖓ 4 – ᐱᓕᕆᕖᑦ ᐊᓯᖏᑕ ᑐᕌᕈᑎᖏᑦ
ᐃᓗᓕᖏᑕ ᐃᓚᖏᑦ, ᓴᓇᐅᒐᐃᑦ ᐱᔨᑦᑎᕋᐅᑎᓪᓗ ᐊᑐᐃᓐᓇᐅᔪᑦ ᐱᔨᑦᑎᕋᕐᓂᑦᑎᒍᑦ ᐃᓚᖃᑐᐃᓐᓇᕆᐊᖃᕐᒪᑕ ᐱᓕᕆᕕᖕᓃᖖᒑᖅᑐᓂᒃ ᓯᓚᑎᑦᑎᓐᓂ.
ᐱᓕᕆᕖᑦ ᓯᓚᑎᑦᑎᓐᓃᖖᒑᖅᑐᑦ ᑐᕌᕈᑎᖏᑦ ᐃᑭᐊᖅᑭᕕᑦᑎᓐᓃᑐᐃᓐᓇᕆᐊᖃᕐᒥᒻᒪᑕ. ᖃᐅᔨᓴᖅᐸᖖᒋᓐᓇᑦᑎᒍ ᑭᓱᓂᒃ ᐃᓗᓕᖃᕋᓗᐊᕐᒪᖔᑕ ᑲᒪᒋᔭᕆᓇᑎᒍᓪᓗ ᓯᓚᑎᑦᑎᓐᓃᖖᒑᖅᑐᑦ ᐸᓯᔭᒃᓴᐅᔾᔪᑎᒋᔪᓐᓇᖖᒋᑕᕗᑦ ᐃᑭᐊᖅᑭᕕᒃᑰᕈᑎᖏᑦ ᐱᔭᒃᓴᖁᑎᖏᓪᓗ, ᓴᓇᐅᒐᖏᑦ, ᐱᔨᑦᑎᕋᐅᑎᖏᓪᓗ ᐱᓕᕆᕖᑦ ᓯᓚᑎᑦᑎᓐᓃᑦᑐᑦ.
ᐸᓯᔭᒃᓴᐅᔾᔪᑎᒋᔪᓐᓇᖖᒋᑕᕗᑦ ᐋᓐᓂᖅᓯᓐᓂᖅᐸᑕ ᓱᕋᓐᓂᖅᐸᑕᓗ ᓂᐅᕕᖅᑕᐅᔪᕕᓃᑦ ᐊᑐᖅᑕᐅᓂᖏᑦ, ᐱᔨᑦᑎᕋᕐᓂᖏᓪᓗ, ᐱᓕᕆᐊᒃᓴᖁᑎᖏᑦ, ᐃᓗᓕᖏᑦ, ᓂᐅᕐᕈᑎᒋᔭᐅᔪᕕᓃᓪᓗ ᐃᖅᑲᓇᐃᔭᕐᕕᑦᑕ ᓯᓚᑖᓃᑦᑐᑦ ᐃᑭᐊᖅᑭᕕᖏᓐᓂ. ᕿᒥᕐᕈᑦᑎᐊᕐᓂᐊᖅᐸᑎᑦ ᐱᓕᕆᕖᑦ ᓯᓚᑎᑦᑎᓐᓃᑦᑐᑦ ᐊᑐᐊᒐᖏᑦ ᖃᓄᐃᓕᐅᖃᑦᑕᕐᓂᖏᓪᓗ ᑐᑭᓯᑦᑎᐊᕐᓗᒋᑦ ᓂᐅᕕᓚᐅᖖᒋᓐᓂᕐᓂ. ᓈᒻᒪᒃᓴᖏᔾᔪᑎᑦ, ᖃᓄᐃᓐᓂᕋᐃᔪᓪᓗ, ᐃᓱᒫᓘᑎᑦ, ᐊᐱᖅᑯᑎᒃᓴᐃᓪᓗ ᐱᓕᕆᕕᑦᑕ ᓯᓚᑖᓃᖖᒑᖅᑐᑦ ᑕᐃᑯᖓ ᑐᕌᖅᑎᑦᑕᕆᐊᓖᑦ.
ᐊᕕᒃᓯᒪᓂᖓ 5 – ᐊᑐᖅᐸᒃᑐᑦ ᐅᖃᐅᓯᒃᓴᖏᑦ, ᐃᓱᒪᒋᔭᖏᑦ ᐊᓯᖏᓪᓗ ᑐᓂᔭᖏᑦ
ᑐᒃᓯᕋᕐᓂᕈᑦᑕ, ᑐᓂᓯᖁᔨᓗᑕ (ᓲᕐᓗ ᓵᓚᒃᓴᕋᓲᑎᓂᒃ) ᐅᕝᕙᓘᓐᓂᑦ ᑐᒃᓯᕋᓚᐅᖅᑎᓐᓇᑕ ᓇᒃᓯᐅᔾᔨᒍᕕᑦ ᐃᓱᒪᒋᔭᕐᓂᑦ, ᐅᖃᐅᓯᒃᓴᕐᓂᑦ, ᑐᒃᓯᕋᐅᑎᓂᒃ, ᐸᕐᓈᓐᓂᒃ, ᐊᓯᖏᓐᓂᒡᓗ, ᐃᑭᐊᖅᑭᕕᒃᑎᒍᑦ, ᐃᕐᖐᓐᓈᖅᑕᐅᑎᒃᑯᑦ ᑎᑎᖅᑲᕐᓂᐊᕐᕕᒃᑯᓪᓘᓐᓃᑦ, ᐊᓯᐊᒍᓪᓘᓐᓃᑦ, (ᑕᒪᐃᓐᓂ, ‘ᐅᖃᐅᓯᒃᓴᓂᒃ’), ᐱᖁᔨᔪᑎᑦ ᐱᔪᓐᓇᖁᓪᓗᑕ, ᓄᖅᑲᖓᑎᑕᐅᓇᑕ, ᐋᖅᑭᒋᐊᖅᓯᔪᓐᓇᕐᓗᑕ, ᐊᒥᓱᓕᐅᕆᔪᓐᓇᕐᓗᑕ, ᓴᖅᑮᔪᓐᓇᕐᓗᑕ, ᑐᓐᓂᖅᓴᐃᔪᓐᓇᕐᓗᑕ, ᐅᖃᐅᓯᖏᓐᓂᒃ ᑭᐳᑦᑎᔪᓐᓇᕐᓗᑕ ᐊᑐᕈᓐᓇᕐᓗᑎᒍ ᖃᓄᑐᐃᓐᓇᖅ ᓯᕗᒧᐊᒃᑎᑕᐃᑦ. ᐱᔪᓐᓇᕐᓂᖃᖅᑐᒍᑦ ᑭᓇᑐᐃᓐᓇᕐᒧᓪᓗ ᐱᔭᕆᐊᖃᖅᑎᑕᐅᖖᒋᑦᑐᒍᑦ (1) ᐅᖃᐅᓯᐅᔪᓂᒃ ᐱᓯᒪᑦᑎᓗᑕ; (2) ᐊᑭᓖᔾᔮᖖᒋᑦᑐᒍᑦ ᐅᖃᐅᓯᐅᔪᓄᑦ; ᐅᕝᕙᓘᓐᓃᑦ (3) ᑭᐅᓂᐊᕐᓗᑕ ᐅᖃᐅᓯᐅᔪᓂᒃ.
ᐃᒪᐃᑐᐃᓐᓇᕆᐊᖃᖅᑐᒍᑦ, ᑭᓯᐊᓂ ᐱᑎᑕᐅᔪᓐᓇᖖᒋᑦᑐᒍᑦ, ᖃᐅᔨᓴᕐᓗᑕ, ᐋᖅᑭᒋᐊᕆᓗᑕ ᐲᖅᓯᓗᑕᓘᓐᓃᑦ ᐃᓗᓕᖏᓐᓂᒃ ᒪᓕᒐᖅᑎᒎᖓᓱᕆᖖᒋᑕᑦᑎᓐᓂᒃ, ᓈᒻᒪᒋᔭᐅᙱᑦᑐᓂᒃ, ᑲᑉᐱᐊᒋᔭᐅᔪᓂᒃ, ᓴᖅᑭᔮᖅᑎᑦᑎᓗᑕ, ᐱᐅᖖᒋᑎᑦᑎᔪᓂᒃ, ᓄᓕᐊᖖᒍᐊᖅᑐᓂᒃ, ᑕᑯᕋᕐᓂᖖᒋᑦᑐᓂᒃ ᓈᒻᒪᒋᔭᐅᒐᔭᖏᑦᑐᓂᒃ ᓱᕋᐃᔪᓂᒡᓘᓐᓃᑦ ᐱᒋᔭᐅᔪᓂᒃ ᐅᑯᓂᖓᓘᓐᓃᑦ ᐱᔨᑦᑎᕋᕐᓂᐅᑉ ᑐᑭᖏᓐᓂᒃ.
ᓈᒻᒪᒃᓴᖅᑐᑎᑦ ᐅᖃᐅᓯᒃᓴᑎᑦ ᓱᕋᐃᔾᔮᖖᒋᒻᒪᑕ ᐱᓕᕆᕕᒃᑕ ᓯᓚᑖᓃᑦᑐᓂᒃ, ᐱᖃᓯᐅᓪᓗᒋᑦ ᐊᒥᓱᓕᐅᕆᐊᖃᕐᓂᐅᑉ ᒪᓕᒐᖏᓐᓂᒃ, ᓇᓗᓇᐃᒃᑯᑕᖏᓐᓂᒃ, ᑕᑯᔭᐅᔭᕆᐊᖃᖖᒋᑦᑐᓂᒃ, ᓇᖕᒥᓂᖅ ᐱᒋᔭᐅᔪᓂᒃ. ᓈᒻᒪᒃᓴᖅᑐᑎᑦ ᐅᖃᐅᓯᒃᓴᑎᑦ ᓴᖅᑭᑦᑎᔾᔮᖖᒋᑦᑐᑦ ᐱᐅᖖᒋᑎᑦᑎᓗᑎᒃ ᒪᓕᒐᕐᓂᒃ ᓱᕋᐃᔪᓂᒃ, ᐱᑦᑎᐊᖖᒋᑦᑐᓂᒃ ᑕᑯᒥᓇᖖᒋᑦᑐᓂᒡᓗ ᑭᓱᑐᐃᓐᓇᕐᓂᒃ, ᐃᓗᓕᓕᖕᓂᓪᓘᓐᓃᑦ ᖃᕋᓴᐅᔭᕐᓄᑦ ᖁᐱᕐᕆᔾᔪᑕᐅᔪᓐᓇᖅᑐᓂᒃ ᐱᐅᖖᒋᓕᕈᑕᐅᔪᓐᓇᖅᑐᓂᒃ ᐱᔨᑦᑎᕋᕐᓂᕐᒥᒃ ᐊᒃᑐᐃᔪᓐᓇᖅᑐᓂᒃ ᐃᑭᐊᖅᑭᕕᒃᑯᑦ. ᐃᕐᖐᓐᓈᖅᑕᐅᑎᒃᑯᑦ ᑐᕌᕈᑎᖖᒍᐊᓂᒃ ᐊᑐᕆᐊᖃᖖᒋᑦᑐᑎᑦ, ᐊᓯᒋᖖᒍᐊᕐᓗᓂᑎᑦ, ᐅᕙᑦᑎᓐᓂᒃ ᒪᖓᑕᐃᓗᑎᑦ ᐱᓕᕆᕕᒃᑕᓗ ᓯᓚᑖᓃᑦᑐᓂᒡᓗ ᐅᖃᖅᑕᕐᓄᑦ. ᐅᖃᖅᑕᕐᓂᒃ ᑲᒪᑦᑎᐊᕆᐊᖃᖅᐳᑎᑦ ᑕᒻᒪᑭᓪᓗᑎᑦ. ᓵᑕᐅᔭᕆᐊᖃᖖᒋᓚᒍᑦ ᐸᓯᔭᒃᓴᐅᓇᑕᓗ ᐅᖃᐅᓯᕆᔭᕐᓄᑦ ᑎᑎᕋᖅᑕᕐᓄᑦ ᐱᓕᕆᕕᒃᑕᓘᓐᓃᑦ ᓯᓚᑖᓃᑦᑐᑦ ᑎᑎᕋᖅᑕᖖᒋᓐᓄᑦ.
ᐊᕕᒃᓯᒪᓂᖓ 6 – ᑕᒻᒪᖅᓯᒪᔪᑦ, ᓇᓕᖅᑯᑦᑐᑦ, ᐱᔭᕇᑦᑎᐊᖅᓯᒪᔪᑦ ᓈᒻᒪᓈᖅᑐᓪᓗ ᑐᓴᖅᑕᐅᔭᕆᐊᓖᑦ
ᑲᒪᖖᒋᓚᒍᑦ ᑐᓴᖅᑕᐅᔪᓐᓇᖅᑐᑦ ᐊᑐᐃᓐᓇᕈᖅᑎᑕᐅᓂᖏᓐᓄᑦ ᑕᕝᕙᓂ ᐃᑭᐊᖅᑭᕕᖕᒥ ᓇᓕᖅᑯᒃᑲᓗᐊᕐᒪᖔᑕ, ᐱᔭᕇᖅᓯᒪᖕᒪᖔᑕ ᒫᓐᓇᒨᓕᖓᒐᓗᐊᕐᒪᖔᑕᓗ. ᐊᑐᖅᑕᐅᔪᓐᓇᖅᑐᑦ ᑕᕝᕙᓂ ᐃᑭᐊᖅᑭᕕᖕᒥ ᑭᒃᑯᓕᒫᓄᑦ ᑐᓴᕋᒃᓴᐅᒪᑕ. ᑕᒻᒪᖅᓯᒪᔪᓂᒃ ᐋᖅᑭᒋᐊᕆᔪᓐᓇᖅᐳᒍᑦ, ᓇᓕᖅᑯᓯᒪᖏᑦᑐᓂᒃ ᐲᔭᖅᑕᐅᓯᒪᔪᓂᒡᓘᓐᓃᑦ, ᐊᓯᔾᔩᓗᑕ ᓄᑖᕈᕆᐊᕆᓗᑕᓗ ᑐᓴᖅᑕᐅᔭᕆᐊᓕᖕᓂᒃ ᑎᑭᓵᖑᔪᓂᒡᓘᓐᓃᑦ ᓄᖅᑲᖅᑎᑦᑎᓗᑕ ᐱᔨᑦᑎᕋᕐᓂᑦᑎᒍᑦ ᑐᓴᖅᑕᐅᔭᕆᐊᓖᑦ ᐃᑭᐊᖅᑭᕕᒃᑰᖅᑐᒃᓴᓪᓗ ᓇᓕᖅᑯᖖᒋᑉᐸᑕ ᑐᓴᖅᑎᑦᑎᖖᒋᓪᓗᑕ (ᑎᑭᓴᐃᕋᑖᕋᓗᐊᖅᑎᓪᓗᑎᓪᓘᓐᓃᑦ).
ᓄᑖᕈᕆᐊᕆᕙᖖᒋᓚᒍᑦ, ᐊᓯᔾᔩᓗᑕᓗ ᓇᓗᓇᐃᕆᒋᐊᕐᓗᑕᓗ ᑐᓴᖅᑕᐅᔭᕆᐊᓕᖕᓂᒃ ᐱᔨᑦᑎᕋᐅᑎᒥ ᐃᑭᐊᖅᑭᕕᒃᑰᖅᑐᒃᓴᓂᒡᓗ, ᑭᒡᓕᒋᓇᒍ, ᐊᑭᖏᑕ ᒥᒃᓵᓅᖓᔪᑦ, ᒪᓕᒐᖅᑎᒍᑦ ᑭᓯᐊᓂ. ᓇᓗᓇᐃᖅᓯᒪᖖᒋᑦᑐᑦ ᓄᑖᕈᕆᐊᓖᑦ ᓄᑖᕈᕆᐊᖅᐸᓪᓕᐊᔪᓪᓗ ᑕᕝᕙᓂ ᐱᔨᑦᑎᕋᐅᒻᒥ ᐃᑭᐊᖅᑭᕕᒃᑰᖅᑐᒃᓴᒥ, ᓇᓗᓇᐃᖅᓯᔾᔪᑕᐅᔭᕆᐊᖃᖖᒋᓚᑦ ᑐᓴᖅᑕᐅᔭᕆᐊᓕᖕᓂ ᐱᔨᑦᑎᕋᐅᒻᒥ ᐃᑭᐊᖅᑭᕕᒃᑰᖅᑐᓂᒃ ᐋᖅᕿᒋᐊᖅᑕᐅᓯᒪᓗᑎᒃ ᓄᑖᕈᕆᐊᖅᑕᐅᓯᒪᓗᑎᒃ.
ᑖᓐᓇ ᐃᑭᐊᖅᑭᕕᒃ ᐱᑐᖃᐅᓕᖅᑐᓂᒃ ᑐᓴᕋᒃᓴᖃᑐᐃᓐᓇᕆᐊᓕᒃ. ᐱᑐᖃᕐᓂᒃ ᑐᓴᖅᑕᐅᔪᓐᓇᖅᑐᓂᒃ, ᑐᓴᖅᑕᐅᔭᕆᐊᓖᑦ, ᓄᑖᖑᖖᒋᑦᑐᑦ ᖃᐅᔨᒋᐊᕈᑎᒋᓂᐊᕋᕕᒋᑦ ᑕᕝᕙᓃᑦᑐᑦ. ᖃᖓᑐᐃᓐᓇᑦᑎᐊᖅ ᐊᓯᔾᔨᕈᓐᓇᖅᑕᕗᑦ ᑖᔅᓱᒪ ᐃᓗᓕᖏᑦ ᐃᑭᐊᖅᑭᕕᐅᑉ. ᓈᒻᒪᒃᓴᖅᑐᑎᑦ ᖃᐅᔨᓴᕈᓐᓇᕋᕕᒋᑦ ᐊᓯᔾᔨᖅᑕᐅᔪᑦ ᑕᕝᕙᓂ ᐃᑭᐊᖅᑭᕕᖕᒥ.
ᐊᕕᒃᓯᒪᓂᖓ 7 – ᑮᓇᐅᔭᖅᑑᑎᓂᒃ ᐱᓯᒪᑦᑎᙱᑦᑐᑦ; ᑮᓇᐅᔭᖅᑐᕐᓂᐅᑉ ᑭᒡᓕᖓ
ᐅᖃᕈᓐᓇᖖᒋᑦᑐᒍᑦ, ᐱᔪᓐᓇᕋᑕᓗ ᐱᔨᑦᑎᕋᕐᓂᕗᑦ ᐃᓕᖕᓂᒃ ᐊᕝᕕᐊᓗᑕᖃᔾᔮᖏᓐᓂᕋᕐᓗᒍ, ᓈᒻᒪᓈᕐᓂᐊᕐᒪᖔᑦ, ᐱᕋᔭᑕᐅᖖᒋᑦᑐᓐᓇᕐᓂᕋᕐᓗᒍ ᑕᒻᒪᖅᓯᒪᖖᒋᓐᓂᕋᓗᒍᓗ.
ᐅᖃᕈᓐᓇᖖᒋᒻᒥᔪᒍᑦ ᐱᔨᑦᑎᕋᕐᓂᕗᑦ ᑕᒻᒪᖅᓯᒪᔾᔮᖖᒋᓐᓂᕋᕐᓗᒍ ᓈᒻᒪᓈᖅᓯᒪᓂᕋᕐᓗᒍᓗ.
ᓈᒻᒪᒃᓴᖅᑐᑎᑦ ᐃᓛᓐᓂᒃᑯᑦ ᐱᔨᑦᑎᕋᕐᓂᕗᑦ ᐲᕈᓐᓇᕋᑦᑎᒍ ᐃᓛᓐᓂᒃᑯᑦ ᓄᖅᑲᖅᑎᑦᑎᐊᒻᒪᕆᒡᓗᒍ ᖃᖓᑐᐃᓐᓇᖅ, ᑐᓴᖅᑎᑦᑎᓚᐅᕋᑕ ᐃᓕᖕᓂᒃ.
ᓈᒻᒪᒃᓴᑦᑎᐊᖅᑐᑎᑦ ᐊᑐᕐᓃᑦ, ᐊᑐᕈᓐᓇᖖᒋᓐᓃᓪᓗ, ᐱᔨᑦᑎᕋᕐᓂᑦᑎᓐᓂ ᐃᓕᖕᓂᒃ ᑭᓯᐊᓂ ᐱᒐᕕᑦ. ᐱᔨᑦᑎᕋᕐᓂᖅ ᑕᒪᒃᑭᖅᑐᑎᒡᓗ ᐱᖁᑏᑦ ᐱᔨᑦᑎᕋᕐᓂᕗᓪᓗ ᐃᓕᖕᓂᒃ (ᐅᖃᐅᓯᐅᖖᒋᑐᐊᖅᐸᑦ ᐅᕙᑦᑎᓐᓄᑦ) ‘ᑕᐃᒪᐃᓕᖓᓂᐊᕐᒪᑦ’ ‘ᐊᑐᐃᓐᓇᐅᒻᒪᑦ’ ᐃᓕᖕᓄᑦ, ᑭᒡᒐᖅᑐᖅᑕᐅᓇᑕ, ᑭᖑᕝᕕᕋᒃᓴᐅᓇᓂ ᐅᕝᕙᓘᓐᓃᑦ ᖃᓄᐃᓕᖓᒐᓗᐊᖅᐸᑦ, ᐅᖃᐅᓯᐅᓂᖓ, ᐃᓚᒋᓪᓗᒋᑦ ᑭᖑᕝᕕᖅᑕᐅᔪᓐᓇᕐᓂᖓ ᖃᓄᐃᓕᖓᓂᖓᓗ ᓂᐅᕕᐊᑉ, ᓂᐅᕕᐊᒃᓴᐃᑦ, ᓈᒻᒪᖕᓂᖓᓗ ᐱᔾᔪᑎᖓᓄᑦ, ᓱᕋᔭᖖᒋᓐᓂᖓᓗ, ᐊᑎᖓ, ᓱᕐᕋᒃᓯᒪᖖᒋᓐᓂᖓᓗ.
ᖃᓄᑐᐃᓐᓇᑦᑎᐊᖅ Arvaaq Spin UK 1, ᑐᑭᒧᐊᒃᑎᑦᑎᔨᖏᑦ, ᐱᔨᑦᑎᕋᖅᑎᖏᑦ, ᐃᖅᑲᓇᐃᔭᖅᑎᖏᑦ, ᐱᓕᕆᖃᑎᖏᑦ, ᑭᒡᒐᖅᑐᖅᑎᖏᑦ, ᐊᑭᓕᖅᑕᐅᓯᒪᔪᖁᑎᖏᑦ, ᐱᔭᕆᐅᖅᓴᔨᖏᑦ, ᑐᓐᓂᖅᓴᐃᔨᖏᑦ, ᐱᔨᑦᑎᕋᖅᑏᑦ, ᐱᔪᓐᓇᐅᑎᑖᖅᑎᑦᑎᓯᒪᔪᑦ ᐸᓯᔭᒃᓴᐅᖖᒋᓚᑦ ᐋᓐᓂᖅᓯᓂᕐᒧᑦ, ᔭᒐᐃᓂᕐᒧᑦ, ᑐᕌᖅᑐᓂᒃ, ᑐᕌᖏᑦᑑᒐᓗᐊᓂᒡᓗ, ᖃᓄᐃᓕᔾᔪᑎᓂᒃ, ᓈᒻᒪᖖᒋᑦᑐᖅᓯᐅᕐᓂᕐᒥᒃ, ᐱᑦᑎᐊᖅᑕᐅᔪᑐᐊᕐᒥᒃ, ᓱᕋᒃᓯᑉᐸᑕ ᖃᓄᑐᐃᓐᓇᖅ, ᐃᓚᒋᓗᒋᑦ, ᑮᓇᐅᔾᔭᓗᐊᖖᒋᑉᐸᑕ, ᑮᓐᓇᐅᔾᔭᒍᑕᐅᖖᒋᑉᐸᑕ, ᑮᓇᐅᔭᕐᓂᒃ ᐊᓯᐅᔨᑉᐸᑕ, ᑲᑎᖅᓱᐊᖏᑦ ᐊᓯᐅᔨᔭᐅᑉᐸᑕ, ᑭᖑᕝᕖᔾᔪᑕᐅᔪᓐᓇᖅᑐᑦ ᑮᓇᐅᔭᑦ, ᐊᔾᔨᐸᓗᖏᓐᓂᓪᓘᓐᓃᑦ ᓱᕋᐃᑉᐸᑕ, ᐸᐃᑉᐹᖅᑎᒍᑦ ᐊᖏᕈᑎᒃᑯᑦ, ᐱᕋᔭᖕᓂᒃᑯᑦ (ᐃᓚᒋᓪᓗᒍ ᑲᒪᑦᑎᐊᖖᒋᓐᓂᖅ), ᐸᓯᔭᒃᓴᐅᓃᑦ ᐊᓯᖏᓪᓗ, ᐃᕝᕕᑦ ᐊᑐᕐᓂᖏᑎᒍᑦ ᐱᔨᑦᑎᕋᐅᑎᓂᒃ ᑭᓱᑐᐃᓐᓇᕐᓂᒡᓗ, ᐃᓚᒋᓪᓗᒋᑦ, ᑭᒡᓕᒋᓇᓂᐅᒃ, ᑕᒻᒪᖅᓯᒪᓂᖏᑕ ᐃᓗᓕᖏᑕ (ᑭᓱᑐᐃᓐᓇᐃᓪᓗ) ᓴᖅᑭᔮᖅᑎᑕᐅᔪᑦ, ᑐᓂᔭᐅᔪᑦ, ᐊᑐᐃᓐᓇᐅᑎᑕᐅᔪᓪᓘᓐᓃᑦ ᐱᔨᑦᑎᕋᕐᓂᒃᑯᑦ, ᐅᖃᐅᔾᔭᐅᓯᒪᒐᓗᐊᖅᐸᑕ ᖃᓄᐃᑐᐃᓐᓇᕆᐊᖃᕐᓂᖏᓐᓂᒃ. ᐃᓚᖏᑦ ᓄᓇᖏᑦᑎᒍᑦ ᐊᕕᒃᓯᒪᓂᖏᑦ ᑭᑭᑦᑎᓯᒪᖖᒋᑎᑦᑎᔪᓐᓇᖖᒋᒻᒪᑕ ᑭᒡᓕᖃᖅᑎᑦᑎᒐᑎᓪᓗ ᖃᓄᐃᓕᑲᓪᓚᒍᓐᓇᖅᑐᓂᒃ ᓱᕋᒃᑐᖃᕐᓂᖅᐸᓪᓘᓐᓃᑦ, ᑕᐃᒃᑯᓂᖓ ᓄᓇᐃᑦ ᐊᕕᒃᑐᖅᓯᒪᓂᖏᑕ, ᑭᒡᓕᒋᔪᓐᓇᖅᑕᕗᑦ ᒪᓕᒐᐅᑉ ᐃᓗᐊᓃᒻᒪᑕ.
ᐊᕕᒃᓯᒪᓂᖓ 8 – ᑮᓇᐅᔭᖅᑐᕐᓂᖅ
ᓈᒻᒪᒃᓴᖅᑐᑎᑦ ᑮᓇᐅᔭᒃᑯᑦ ᑐᓂᓯᓂᐊᕐᓂᕋᖅᑐᑎᑦ, ᓴᐳᒻᒥᓂᐊᕐᓂᕋᖅᑐᑎᓪᓗ ᖃᓄᐃᓕᔾᔮᖏᓐᓂᕋᖅᑐᒋᑦ Arvaaq Spin UK 1, ᐊᖏᔪᖅᑳᖑᔪᑦ, ᐱᓕᕆᖃᑎᖏᑦ, ᐃᖅᑲᓇᐃᔭᖃᑎᖏᑦ, ᑭᖑᕝᕕᖅᑕᐅᔪᒃᓴᖁᑎᖏᑦ, ᐊᖏᕈᑎᖃᖅᑎᑦᑎᔪᑦ, ᐱᓕᕆᑎᑦᑎᓪᓗᑎᒃ ᐱᔨᑦᑎᕋᖅᑎᓂᒃ, ᑐᑭᒧᐊᒃᑎᑦᑎᔨᓂᒃ, ᐃᖅᑲᓇᐃᔭᖅᑎᓂᒃ, ᐱᔭᕆᐅᖅᓴᔪᓂᒃ, ᑭᒡᒐᖅᑐᑎᓂᒃ, ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔭᖅᑎᓂᒃ, ᐱᔨᑦᑎᕋᖅᑎᓂᒃ, ᑐᓐᓂᖅᓴᐃᔨᓂᒃ, ᑭᒡᒐᖅᑐᐃᔨᓂᒡᓗ, ᐊᒃᑐᖅᑕᐅᔾᔮᖏᓐᓂᖏᓐᓂᒃ ᖃᓄᐃᓐᓂᕋᐃᔪᓂᒃ, ᑮᓇᐅᔭᖅᑖᕋᓱᐊᖅᑐᓂᒃ, ᐃᓚᒋᓪᓗᒍ ᑭᒡᒐᖅᑐᐃᔩᑦ ᑮᓇᐅᔭᖅᑐᕐᓂᖏᓐᓂᒃ, ᐱᓕᕆᕕᒃᑕ ᓯᓚᑖᓃᑦᑐᓂᒃ ᓱᕋᐃᔪᓂᒃ ᓇᓗᓇᐃᖅᑕᐅᓯᒪᓂᖏᑕ ᐱᔨᑦᑎᕋᐅᑏᑦ.
ᐊᕕᒃᓯᒪᓂᖓ 9 – ᓄᖅᑲᖅᑎᑕᐅᓂᖅ
ᐱᓕᕆᔪᑦ ᑎᓕᔭᐅᓯᒪᓂᖓ ᐸᓯᔭᐅᓯᒪᓂᖓᓗ ᐊᖏᕈᑎᐅᑉ ᓄᖅᑲᕐᕕᒃᓴᖓ ᑎᑭᐅᑎᓚᐅᖅᑎᓐᓇᒍ ᐃᓱᓕᓯᒪᓕᕋᓗᐊᖅᐸᑦ ᑲᔪᓰᓐᓇᕋᔭᖅᑐᖅ.
ᓇᓗᓇᐃᔭᖅᑕᐅᓯᒪᔪᑦ ᐱᔨᑦᑎᕋᐅᒻᒥ ᐊᑐᕐᓂᐊᖅᑐᑦ ᓄᖅᑲᖅᑎᑕᐅᓚᐅᖖᒋᓐᓂᕐᒥᓂᒃ ᐃᓕᖕᓄᑦ ᐅᕙᑦᑎᓐᓄᓪᓗ. ᑖᒃᑯᐊ ᓄᖅᑲᖅᑎᑦᑐᓐᓇᖅᐸᑎᑦ ᓇᓗᓇᐃᔭᖅᓯᒪᔪᑦ ᐱᔨᑦᑎᕋᐅᑎᑦᑎᓐᓂ ᖃᖓᑐᐃᓐᓇᑦᑎᐊᖅ ᑐᓴᖅᑎᑦᑎᒍᕕᑦ ᐅᕙᑦᑎᓐᓂᒃ ᐱᔨᑦᑎᕋᐅᑎᑦᑎᓐᓂᒃ ᐊᑐᕈᒪᔪᓐᓃᕐᓂᒃ, ᐃᑭᐊᖅᑭᕕᒃᐳᓪᓗ ᐊᑐᕈᓐᓃᕈᕕᐅᒃ.
ᑲᔪᓯᖖᒋᑦᑐᕆᑦᑎᒍᑦᑕ ᐃᓕᖕᓂᒃ, ᑲᔪᓯᓱᕆᑦᑎᖖᒋᒃᑯᑦᑕᓗ ᐃᓕᖕᓂᒃ, ᓇᓕᐊᖕᓂᑐᐃᓐᓇᖅ ᓇᓗᓇᐃᖅᓯᒪᔪᓂᒃ ᐱᔨᑦᑎᕋᐅᒻᒥ, ᓄᖅᑲᖅᑎᑐᐃᓐᓇᕆᐊᖃᖅᐸᕗᑦ ᐊᖏᕈᑦ ᑐᓴᖅᑎᑦᑎᖖᒋᓪᓗᑕ ᑮᓇᐅᔭᓪᓗ ᐊᑐᕐᓂᖏᑦ ᑎᑭᐅᑎᓗᑎᒃ ᓄᖅᑲᖅᑎᑕᐅᓂᖓᓄᑦ; ᐊᒻᒪ/ᐅᕝᕙᓘᓐᓂᑦ ᐱᔨᑦᑎᕋᐅᑎᑦᑎᓐᓅᖅᑎᑕᐅᔪᓐᓇᔾᔮᖖᒋᑦᑐᑎᑦ (ᓇᓕᐊᓐᓄᑐᐃᓐᓇᕐᓗ).
ᐊᕕᒃᓯᒪᓂᖓ 10 – ᑭᓱᑐᐃᓐᓇᕐᓄᑦ
ᑎᑎᕋᖅᓯᒪᔪᑦ ᖁᓛᓂ ᑕᕝᕙᓂ ᐊᖏᕐᕈᒥ ᐱᖃᓯᐅᑎᓯᒪᖕᒪᑕ ᐊᑲᕐᕆᖁᓪᓗᑎᑦ ᑭᒡᓕᒋᔭᐅᔾᔮᖖᒋᓚᑦ ᐊᒃᑐᐃᔾᔮᖖᒋᓚᓪᓗ ᓇᓗᓇᐃᖅᓯᒪᔪᓂᒃ.
ᑲᔪᓯᓐᓂᖖᒋᒃᑯᑕ ᐱᔪᓐᓇᐅᑎᑦᑎᓐᓂᒃ ᓇᓗᓇᐃᖅᓯᒪᔪᓂᒃ ᐊᖏᕐᕈᒻᒥ ᖁᔭᓈᖅᑕᐅᔾᔮᖖᒋᓚᑦ ᐱᔪᓐᓇᕐᓂᕗᑦ.
ᓇᓗᓇᐃᖅᓯᒪᔪᑦ ᐃᓚᖓᓐᓂᒃ ᑕᕝᕙᓂ ᐱᔨᑦᑎᕋᐅᑎᐅᑉ ᓇᓗᓇᐃᓯᒪᓂᖏᓐᓂᒃ ᒪᓕᒐᖅᑎᒎᖅᑐᕆᔭᐅᖖᒋᑉᐸᑦ, ᓄᖅᑲᖅᑎᑕᐅᔪᖅ ᑲᔪᓯᑎᑕᒃᓴᐅᖏᓪᓗᓂ, ᑲᔪᓯᑎᑕᒃᓴᐅᓂᐊᖅᐳᑦ ᐱᔪᓐᓇᕐᓂᓕᒫᒃᑯᑦ ᒪᓕᒐᖅᑎᒍᑦ, ᑲᔪᓯᑎᑕᒃᓴᐅᖖᒋᑦᑐᖅ ᑭᐱᔭᐅᓂᐊᖅᐳᖅ ᓇᓗᓇᐃᔭᖅᓯᒪᔪᓂᒃ ᐱᔨᑦᑎᕋᐅᒻᒦᑦᑐᓂᒃ, ᐊᒃᑐᐃᔾᔮᖖᒋᓚᕐᓕ ᐊᑐᖅᑐᓂᒃ ᑲᔪᓯᑎᑕᒃᓴᓂᒃ ᓇᓗᓇᐃᖅᓯᒪᔪᓃᑦᑐᑦ ᐊᓯᖏᓐᓂᒃ.
ᑖᒃᑯᐊ ᓇᓗᓇᐃᔭᖅᓯᒪᔪᑦ ᐱᔨᑦᑎᕋᐅᑎᒥ ᐊᑐᐊᒐᐃᓪᓗ ᐊᐅᓚᑦᑎᔾᔪᑎᓪᓗ ᓴᖅᑭᑕᕗᑦ ᐃᑭᐊᖅᑭᕕᒃᑯᑦ ᐱᔨᑦᑎᕋᕐᓂᑦᑎᒍᑦ ᐊᖏᕈᑎᓕᒫᕐᒦᑦᑐᑦ ᑐᑭᓯᐅᒪᖃᑎᒌᑎᑦᑎᒻᒪᑕ ᐃᓕᖕᓂᒃ ᐅᕙᑦᑎᓐᓂᓪᓗ ᐊᐅᓚᑦᑎᔾᔪᑕᐅᓪᓗᓂ ᐱᔨᑦᑎᕋᕐᓂᕐᒥᒃ, ᖁᑦᑎᓐᓂᖕᓂᖅᓴᐅᓂᐊᖅᑐᓂᓗ ᐊᖏᕈᑎᓕᐊᖑᕙᓪᓕᐊᓂᐊᖅᑐᓂᒃ, ᑐᓴᐅᒪᖃᑦᑕᐅᑎᓂᖅ ᑐᒃᓯᕋᐅᑎᓪᓗ, ᐅᖃᐅᓯᒃᑯᑦ ᑎᑎᕋᖅᓯᒪᑉᐸᑕᓘᓐᓃᑦ, ᐃᕝᕕᑦ ᐅᕙᒍᓪᓗ (ᐃᓚᒋᓪᓗᒋᑦ, ᑭᒡᓕᒋᓇᓂᐅᒃ, ᓇᓗᓇᐃᖅᓯᒪᓚᐅᖅᑐᑦ ᐱᔨᑦᑎᕋᐅᑎᐅᔪᕕᓂᕐᓂᑦ).
ᑐᑭᓯᔭᐅᓂᖏᑦ ᓇᓗᓇᐃᔭᖅᓯᒪᔪᑦ ᐱᔨᑦᑎᕋᐅᒻᒥ ᑐᑭᓯᔭᐅᑦᑎᐊᖅᓯᒪᔭᕆᐊᓖᑦ ᑎᑎᕋᖅᑐᓄᑦ.
ᑖᒃᑯᐊ ᓇᓗᓇᐃᖅᓯᒪᔪᑦ ᐱᔨᑦᑎᕋᐅᒻᒥ ᐊᓯᖏᓪᓗ ᐊᖏᕈᑎᑦ ᑐᓂᔭᕗᑦ ᐱᔨᑦᑎᕋᕐᓂᑦᑎᓐᓂ ᐊᐅᓚᑕᐅᓪᓗᓂ ᑐᑭᓯᔭᐅᓪᓗᓂᓗ ᒪᓕᒐᖏᓐᓂ ᐊᕕᒃᓯᒪᓂᕐᒥᐋᓐᑎᐅᕆᔪᒥ ᑲᓇᑕᐅᓪᓗ ᒪᓕᒐᖏᓐᓂ ᒫᓐᓇ.
ᐊᐱᖅᑯᑎᒃᓴᖃᕈᕕᑦ ᒥᒃᓵᓄᑦ ᓇᓗᓇᐃᔭᖅᓯᒪᔪᑦ ᐊᖏᕈᑎᐅᑉ ᐅᕙᑦᑎᓐᓄᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ [email protected].